म्यानचेस्टर युनाइटेड लिग कप फुटबल (इएफएल कप) अर्थात काराबाओ कपको चौथो चरणमा प्रवेश गरेको छ । गएराति भएको तेस्रो चरण अन्तर्गतको खेलमा लुटन टाउनलाई ३–० ले पराजित गर्दै म्यानचेस्टर युनाइटेडले चौथो चरणमा प्रवेश गरेको हो । युनाइटेडको जितमा हुवाँ माटा, मार्कस रासफोर्ड र मासन ग्रिनउडले एक एक गोल गरे । खेलको ४४ औँ मिनेटमा माटाले गोल गर्दै युनाइटेडलाई सुरुवाती अग्रता दिलाएका थिए । खेलको ८८ औँ मिनेटमा मार्कश रासफोर्ड तथा ९२ औँ मिनेटमा मासन ग्रीनवूडले गोल गर्दै ३–० को जीत दिलाए ।