इटालिय सिरी ए फुटबल लिगमा एसी मिलनले लगातार दोश्रो जित हासिल गरेको छ । आइतबार राति क्रोटोनेसंग भएको खेलमा मिलनले २-० को अग्रताले जित हात पारेको हो । खेलको पहिलो हाफको इन्जुरी टाइममा केसिएले पेनाल्टीमा गोल गर्दै मिलानलाई अग्रता दिलाएका थिए। त्यस्तै दोश्रो हाफ सुरु भएको पाँच मिनेटमा नैमिडफिल्डर ब्राहिमले गोल खेललाई २-० को अग्रता दिलाए। उनको त्यो गोल नै खेलको अन्तिम गोल बन्न पुग्यो र मिलनले लिगको दोश्रो खेलमा पनि जित हासिल गर्दै अंक तालिकामा ६ अंक बटुलेको छ । लिगमा क्रोटोनेको यो दोश्रो हार हो ।