नेपालमा सुनको मुल्यले नयाँ रेकर्ड कायम गरेको छ। बुधबार प्रति तोला ९१ हजार ५ सय रुपैयाँमा कारोबार हुँदै आएको सुन आज ९ सय रुपैयाँले वृद्धि भएको छ। नेपाल सुनचाँदी व्यवसायी महासंघका अनुसार आज सुनको मुल्य प्रतितोला ९२ हजार ४ सय पुगेको छ। त्यस्तै तेजावी सुनको मुल्य पनि ९ सय ५ रुपैयाँ पुगेको छ। आज तेजावी सुनको मुल्य ९१ हजार ९ सय ६५ रुपैयाँ निर्धारण गरेको महासंघले जनाएको छ। बुधबार तजावी सुनको मुल्य ९१ हजार ६० रुपैयाँमा कारोबार भएको थियो। आज चाँदीको मुल्य पनि २५ रुपैयाँमा वृद्धि भएको छ। हिजो प्रति तोला ९ सय ५५ मा कारोबार भएको चाँदी आज ९ सय ८० रुपैया पुगेको छ। कोरोनाका कारण चैत ११ गतेदेखि बन्द भएको सुनचाँदीको कारोवार जेष्ठ २५ गते बाट शुरु भएको थियो। सुनको मुल्य प्रति तोला ८७ हजार ४०० तय गरिएको सुन आज सम्म आइपुग्दा ५ हजार रुपैयाँले वृद्धि भएको छ।