नेपालमा कोरोना भाइरसबाट ज्यान गुमाउने ५८ पुगेका छन् । वीरगन्जमा थप दुई जना कोरोना संक्रमितको मृत्यु भएपछि ज्यान गुुमाउनेको संख्या ५८ पुगेको हो ।

पर्साको वीरगञ्ज १६ निवासी ५० वर्षीया र ६८ वर्षीया महिलाको ज्यान गएको हो । नारायणी कोरोना अस्थायी अस्पताल गण्डकका डा. निरज सिंहका अनुसार ६८ वर्षीया महिलाको शनिबार मृत्यु भएको हो ।

५० वर्षीया महिलाको शुक्रबारै वीरगन्जस्थित बयोधा अस्पतालमा मृत्यु भएको भएको थियो । पछि पिसिआर नतिजा आउँदा संक्रमण पोजेटिभ देखिएको हो ।

दुवै महिलालाई निमोनिया भएको थियो ।

२० हजार ८६ संक्रमित रहेकामा १४ हजार ४९२ जनालाई निको भएको छ ।