पोखरामा २० जना सहित गण्डकीमा ६७ जनामा देखियो संक्रमण
गण्डकी प्रदेशमा आज ६७ जनामा कोरोनाको संक्रमण देखिएको छ। स्वास्थ्य निर्देशनालय पोखराका अनुसार पोखरा स्वास्थ्य बिज्ञान प्रतिष्ठान, क्षयरोग उपचार केन्द्र पोखरा, चितवन मेडिकल कलेज र भरतपुर अस्पतालमा गरिएको परिक्षणमा ६ जिल्लामा ५२ जना पुरुष र १५ जनामा संक्रमण देखिएको हो।
पोखरामा २० जनामा संक्रमण
पोखरामा महानगरपालिकामा आइतबार २० जनामा संक्रमण देखिएको छ। संक्रमण हुने १४ पुरुष र ६ महिला रहेका छन्। पोखरा वडा नं ४ मा १ जना पुरुष, ७ नं वडामा २ पुरुष,८ नं वडामा २ महिला र ३ पुरुष, १० नं वडामा २ महिला र ४ पुरुष, २७ मा २ पुरुष, ३ नं वडामा २ पुरुष रहेका छन्। त्यस्तै संक्रमित मध्य २ जना महिला पार्कल्याण्ड अस्पताल, अमरसिंह चोकका स्टाफ नर्स रहेका छन्।
लम्जुङ्ग जिल्लामा आज थप २ जनामा संक्रमण देखिएको छ। संक्रमितहरु बेसीसहरको ११ नं वडामा १ पुरुष र २ नं वडामा १ महिला रहेका छन्।
बाग्लुङ्ग जिल्लाको काठेखोलाको ६ नं वडामा १ महिला र १ पुरुष र १ नं वडामा १ पुरुष गरि ३ जनामा संक्रमण देखिएको निर्देशनालयले जनाएको छ।
स्याङ्जामा आज मात्र २२ जनामा कोरोनाको संक्रमण देखिएको छ। गण्डकी प्रदेश आज सबै भन्दाबढी स्याङ्जा जिल्लामा देखिएको छ। संक्रमित हुने पुतलीबजारका १३ नं वडामा २ पुरुष, १ नं वडा बाट ६ पुरुष र १ महिला, ३ नं वडामा ४ जना पुरुष, १४ नं वडामा ८ जना पुरुष रहेका छन्। त्यस्तै एक जना पुरुषको स्रोत भने खुलेको छैन।
त्यस्तै तनहुँ जिल्लामा ७ जनामा संक्रमण देखिएको छ। संक्रमित हुने बन्दीपुरका १ पुरुष, भानुमा १ पुरुष र १ महिला, ब्यास नगरपालिकामा २ महिला र शुक्लगण्डकीमा ३ पुरुष गरि ७ जनामा संक्रमण देखिएको हो।
नवलपरासी पु मा ४ महिला र ९ पुरुष गरि १३ जनामा संक्रमण देखिएको छ। यससंगै गण्डकी प्रदेशमा कोरोना संक्रमितको संख्या २५१४ पुगेको छ।
प्रकाशित मिति: शनिबार, भदौ २०, २०७७
प्रतिक्रिया दिनुहोस्
थप समाचार
साताको लोकप्रीय
