काठमाडौँ- सिन्धुपाल्चोकको बाह्रबिसेमा पहिरोमा पुरिएर १२ वटा घर पुरिँदा २३ जना बेपत्ता भएका छन्। बाह्रविसे नगरपालिका- ७ घुम्थाङको नागपुजेमा पहिरोमा पुरिएका ४ जनाको शव फेला परेको छ।  उद्धारका लागि खटिएका नगरप्रमुख निमफुन्जो शेर्पाले ४ जनाको शव भेटिएको बताए । ‘४ जनाको शव भेटिएको छ । २६ जना बेपत्ता हुनुभएको छ । स्काभेटरको सहयोगले बेपत्ताको खोजी गरिरहेका छौँ,’ उनले भने । बाह्रबिसे वडा नम्बर ७ घुम्थाङको नागपुजेमा भीरखर्कबाट खसेको पहिरोले ९ घर पूर्ण क्षति हुँदा कम्तिमा १७ जना बेपत्ता भएको मेयर निमफुन्जो शेर्पाले जानकारी दिए ।